Árið 2001 tók stjórn Bandalags íslenskra farfugla ákvörðun um að endurskoða öll tölvu- og upplýsingamál fyrirtækisins. Þessi ákvörðun var tekin í kjölfar stækkunar Farfuglaheimilisins í Reykjavík sem leiddi af sér stóraukin umsvif og aukinn fjölda starfsmanna. Til að stýra þessu verki var haft samband við Ólaf Garðarsson, en einn af stjórnarmönnum bandalagsins hafði kynnst vinnubrögðum hans frá öðru fyrirtæki og gaf honum góð meðmæli. Helsu verkefni Ólafs hafa verið:

Tæknileg útfærsla á netkerfi, ráðgjöf og tæknileg útfærsla á internet-tenginu, flutningur vefsvæðis og tölvupóstþjónustu, uppsetning útstöðva og jaðarbúnaðar, samningar við birgja og almenn tæknileg umsjón upplýsingakerfa. Einnig tæknileg umsjón með innkaupum og uppsetningu á netkaffi.

Samstarf okkar við Ólaf hefur verðið til fyrirmyndar. Hann hefur leyst öll þessi verkefni fagmannlega af hendi og brugðist skjótt við ef eitthvað óvænt hefur komið upp á. Einnig hefur hann haft gott lag á að kenna starfsmönnum að vinna í nýju starfsumhverfi. Þá hefur gjaldtaka fyrir unnin verk verið sanngjörn að okkar mati.

Varðandi frekari upplýsingar er unnt að hafa samband við undirritaðan.

Markús Einarsson
Framkvæmdastjóri Bandalags íslenkra farfugla.