Verkmenntaskólinn á Akureyri hefur tekið áskorun okkar um ókeypis uppsetningu á LTSP (Linux Terminal Server Project) á netkerfi þeirra. Við vonumst til að verða komnir með kerfið tilbúið til notkunar fyrir haustið.

LTSP verkefni okkar meðVerkmenntaskólanum á Akureyri hefur gengið mjög vel og nú eru nemendur farnir að nota tölvurnar í almennri notkun í skólanum.

Með aðstoð Birgis hjá Stefnu ehf tókst Adami Óskarssyni kerfisstjóra að tengja kerfið við LDAP nemendaskrá skólans. Við höfum svo í kjölfarið sett upp skriftur til að neggla niður Proxy vísanir í Firefox ofl.

Icefin ehf er ungt fyrirtæki sem brýtur upp hefðina og býður útivistarfólki upp á gæða veiði og útivistarfatnað á mun hagstæðara verði en landinn á að venjast innanlands og þó víðar væri leitað.

Við höfum um árabil veitt Bandalagi Íslandskra Farfugla (BÍF) kerfisþjónustu en eitt af verkefnum okkar hefur verið að byggja upp og viðhalda netcafé fyrir gesti og gangandi í Farfuglaheimilinu í Laugardal. Sumarið 2008 var Windows XP stýrikerfum vélanna skipt út fyrir Linux Terminal Server (LTSP) disklausar útstöðvar.

Við höfum um árabil veitt Bandalagi Íslandskra Farfugla (BÍF) kerfisþjónustu en eitt af verkefnum okkar hefur verið að byggja upp og viðhalda netcafé fyrir gesti og gangandi í Farfuglaheimilinu í Laugardal. Upphaflega voru settar upp 2 tölvur en þær voru fljótar að borga sig upp.  

Þegar þessi tvö félög, sem höfðu verið í sambúð í nokkurn tíma, ákváðu að flytja starfsemina í nýtt húsnæði, fólu þau Íkon ehf flutning og uppfærslu upplýsingakerfanna. Klasi mundi nú fá eigin netþjón og póstkerfi og slíkt en félögin yrðu áfram í náinni samvinnu og á sama nærneti.

Í nóvember 2006 fengum við það verkefni að tengja stýrivélanet fiskimjölsverksmiðju Síldarvinnslunnar í Helguvík við almenna upplýsinganet félagsins. Þetta varð að gerast þannig að sjálfstæði og öryggi stýrivélanetsins væri ekki ógnað á nokkurn hátt.

2005-2006. Íkon ehf vinnur í mörgum verkefnum fyrir Leiðir ehf sem undirverktaki og á það einnig við í þessu tilfelli. MPS kerfið frá Marel les stykkjavigtun frá Marel stykkjavoginni en Vísir vantaði að fá þær upplýsingar yfir í framleiðslukerfið frá Leiðum. 

Við tókum að okkur kerfisstjórn upplýsingakerfa hjá Eignarhaldsfélaginu fasteign hf (EFF) í lok 2005. Þörf var á uppfærslu miðlægs netþjóns og við hófum þá vinnu vorið 2006. Klasi hf leigði húsnæði og aðgang að upplýsingakerfum af EFF á þeim tíma.

HRM - rannsóknir og ráðgjöf veitir fyrirtækjum, stofnunum og samtökum á vinnumarkaði rannsóknar og ráðgjafarþjónustu á sviði mannauðsstjórnunar. Kerfið sem við hönnuðum í samvinnu við HRM hefur verið notað með góðum árangri í fjölda kannana. Kerfið gerir HRM kleift að senda út kannanir sem eru einkvæmar þ.e. hver þátttakandi getur aðeins svarað einu sinni. Kerfið er keyrt á vefsvæði HRM, er algjörlega vefvænt og krefst ekki innsetningar á neinum hugbúnaði hjá þátttakendum utan venjulegs vafra (innbyggðir í öll nútíma stýrikerfi).

Könnuður/Surveyor er kerfi sem hannað var fyrir HRM rannsóknir og ráðgjöf ehf (sjá nánar um það verkefni hér ). Kerfið er í stöðugri þróun í samræmi við óskir viðskiptavina HRM.

Það nýjasta sem við höfum bætt við kerfið er að það geti sent lykilorð á þátttakendur með SMS skeytum. Þetta gerir HRM kleift að gera starfsmannakannanir sínar fyrir fyrirtæki sem hafa starfsmenn án netfanga. Starfsmenn sem hafa netföng fá áfram aðganginn sendan með tölvupósti en aðrir fá sms skeyti beint í gemsann sinn en lang flestir hafa núorðið sinn eiginn GSM síma.

Innheimtukerfi stöðvunarbrota. 2000-2001 Endursmíði á eldri gagnagrunni yfir í venslaðan Oracle gagnagrunn með viðskiptareglur forritaðar í PL/SQL kjarna. Notendaviðmót var hannað í Omnis Studio. Gagnasamskipti við Reykjavíkurborg voru færðar yfir í beinar sjálfvirkar tengingar milli Oracle gagnagrunna.

1999 - 2000. Hönnun og smíði sölukerfis fyrir sölu á Time Share hóteleiningum. Byggt á vensluðum Oracle gagnagrunni og viðskiptareglur þróaðar í PL/SQL. Eldra kerfi byggt á Omnis gagnagrunni var hætt að ráða við mikið magn upplýsinga og flókin tengsl. Farið var í að skrásetja kerfið og skipuleggja þær breytingar sem þyrfti að gera út frá óskalista starfsmanna. 

Kerfi þessi voru hönnuð og smíðuð 1995 í samvinnu við tæknirekstradeild sjónvarpsins undir stjórn Hermanns S. Jónssonar sem þá vann í tölvudeild RÚV.