Í ágúst 2008 kom fram ný öryggisveila í Vista sem við fyrstu sýn virtist stórmál.

En við nánari skoðun reyndust menn aðeins of ákafir að dæma allt ómögulegt.

Vista stýrikerfið er öruggasta notendastýrikerfið frá Microsoft hingað til. Eftir sem áður þurfa notendur að gæta sín á viðhengjum sem tölvuþrjótar senda grunlausum notendum. Hér er dæmi um innbrot í Vista. Skilaboðin eru: Gættu þín á viðhengjum sem þér var ekki fyrirfram kunnugt um að átti að senda þér eða koma koma frá ókunnugum. Það er ekki víst að vírusvörnin hefði gripið þetta þar sem það kom inn sem Office skjal. Þetta á við á öllum tölvum óháð stýrikerfi þó svo veikleiki í Vista hafi verið notaður í þessu dæmi.

Undirritaður notar 4 stýrikerfi sem eru í boði fyrir endanotendur, þ.e. Vista, XP, Macintosh og Linux (Ubuntu). Macintosh tölvan er heima og hún hefur verið viðhaldsfrí frá því hún var keypt 2006. Með Macintosh tölvunni má tengjast við tölvuna í vinnunni en einnig er hægt að keyra bæði XP og Vista sem sýndarvélar á Makkanum. Það er reyndar lítil þörf á því í þessu tilfelli nema fyrir prófanir í hugbúnaðarsmíði. Ef ég ætti að kvarta yfir einhverju varðandi Makkann er það helst Entorage netpóstkerfið sem kom með Office pakkanum frá Microsoft. Það vantar tilfinnanlega eitthvað betra póstkerfi sem getur jafnframt tengst Exchange póstþjóninum í vinnunni. Reyndar dugar GMAIL mjög vel og það er yfirdrifið lang besta lausnin í flestum tilfellum.